दमक/ ईटहरीका बिभिन्न ठाउँमा भएका श्रृङखलाबद्ध चोरीका घटनामा संलग्न रहेको आरोपमा दमकका एक युवक पक्राउ परेका छन ।
१ नम्बर प्रदेश प्रहरी कार्यालय विराटनगरका अनुसार पक्राउ पर्नेमा दमकको साविक वडा नं १२ घर भई मोरङको केरावारी गाउँपालिका– ९ मा बस्दै आएका ३० बर्षीय बिजु मोते रहेका छन् । बिगत केही महिना देखि ईटहरीका बिभिन्न स्थानहरुमा दिन दहाडै भइरहेको चोरीका घटनामा संलग्नको खोजतलासका क्रममा प्रहरी टोलीले सिसिटिभि फुटेजका आधारमा अनुसन्धान गरेर मोतेलाई पक्राउ गरेको जनाइएको छ । चोरीमा संग्लग्न रहेका मोतेलाई मंगलवार राती साढे ८ बजे ईटहरीबाट पक्राउ गरि थप अनुसन्धान भइरहेको जनाइएको छ ।
