दमक/झापाको कन्काई नगरपालिका ३ सुरुङगाबाट लागुऔषध ब्राउनसुगरसहित २ जनालाई प्रहरीले पक्राउ गरेको छ ।
बिशेष सूचनाको आधारमा लागुऔषध नियन्त्रण ब्युरो काकडभिट्टा र ईलाका प्रहरी कार्यालय सुरुङगाबाट खटिएको प्रहरी टोलीले सुरुङगाकै एक होटलमा बसेका मोरङको उर्लावारी नगरपालिका १ का २५ बर्षीय नितेन कार्की र बिर्तामोड नगरपालिका ३ का ३९ बर्षीय राजन प्रसाद उप्रेतीलाई ३५ ग्राम ब्राउन सुगर सहित पक्राउ गरेको हो । उनीहरुका बिषयमा थप अनुसन्धान भईरहेको ईलाका प्रहरी कार्यालय अनारमनीले जनाएको छ ।
