सडक दुर्घटना न्यूनिकरणबारे अन्तरक्रिया

दमक/ जीवन चक्र समाज नेपालले नयाँ बर्ष २०८३ को सन्मुख पारेर सडक दुर्घटना न्यूनिकरण सम्बन्धि अन्तरक्रियात्मक छलफल कार्यक्रम सम्पन्न गरेको छ ।
गणेश गौतमको नेतृत्वमा रहेको यो संस्थाले संस्थाका शिक्षा तथा स्वास्थ्य समिति संयोजक डा. लेखनाथ न्यौपानेको संयोजकत्वमा भएको छलफलमा दमकमा पछिल्लो समय सिटी सफारीको संख्या बढेसँगे यातायात व्यवस्थापनमा भइरहेको असहजताका बिषयमा गहन अन्तरक्रिया गरिएको थियो ।
इलाका प्रहरी कार्यालय दमकका प्रमुख (डिएसपी किशोर लम्साल , दमक ट्राफिक प्रमुख मनोज कुमार खड्का ,सामाजिक व्यक्तित्वहरु मदन बोहोरा, केदार चापागाइँ शैक्षिक व्यक्तित्व टिकाराम अधिकारी, पत्रकार बिमल लामिछाने ,साहित्यकार बिन्दु दहाल मूकदर्शक दमक जेसीजका निवर्तमान अध्यक्ष राजेन्द्र बिमली लगायतले आआफ्नो धारणा राखेका थिए ।
सहभागीहरुले दमक भित्र संचालनमा रहेका सिटी सफारीबाट हुने दुर्घटनाबाट बच्न सकिने उपायहरूका बारेमा आआफ्नो धारणा राखेका थिए । सिटी सफारीका सञ्चालकलाई परेको अप्ठ्यारोका बारेमा सुर्य ओेडारीले जानकारी गराउँदै सहजताका लागि आग्रह गरे ।