उदयपुर/ नेपाल इन्भेष्टमेन्ट मेगा बैंकमा कार्यरत एक कर्मचारीलाई प्रहरीले पक्राउ गरेको छ । ग्राहकको खाताबाट पैसा चोरेको आरोपमा बैंकको गाईघाट शाखामा कार्यरत सुनिता बानियाँलाई प्रहरीले नियन्त्रणमा लिएको हो।
उनले नेपाल प्रेससँग भने, ‘उनलाई पक्राउ गर्नका लागि बैंकले नै उजुरी दिएको थियो । जसका आधारमा बानियाँलाई पक्राउ गरेर अनुसन्धान गरिरहेका छौँ ।’
उनको यो बदमासीको सुइँको बैंक व्यवस्थापनले थाहा पाएपछि आन्तरिक छानबिन सुरु गरिएको थियो । छानबिनका क्रममा रकम हिनामिना भएको पुष्टि भएपछि बैंकले प्रहरीलाई खबर गरेको थियो ।
हाल ती आरोपित कर्मचारी प्रहरीको हिरासतमा छिन् र उनीमाथि बैंकिङ कसुर तथा ठगी मुद्दामा अनुसन्धान भइरहेको प्रहरी नायब उपरीक्षक दोङले जानकारी दिए ।
‘उनीसँग थप विवरण लिने काम भइरहेको छ । यस कार्यमा उनी एक्लै हुन् की अन्य व्यक्तिको पनि संलग्नता छ भन्नेबारे पनि सूक्ष्म अध्ययन गरिरहेका छौँ’, उनले भने ।
