दमक/ झापाको दमकस्थित दमक बहुमुखी क्याम्पसमा आजबाट खेलकुद सप्ताह सुरु भएको छ । स्वतन्त्र बिद्यार्थी युनियनको आयोजनामा सञ्चालन भएको सप्ताहको क्याम्पस सञ्चालक समितिका अध्यक्ष ढुण्डीराज भण्डारीले आइतबार संक्षिप्त कार्यक्रमबीच सप्ताहको उदघाटन गरेका छन् ।
सो अवसरमा क्याम्पस प्रशासन, शिक्षक, विद्यार्थी तथा स्थानीय सरोकारवालाहरूको उपस्थिति रहेको थियो ।
सप्ताहव्यापी रूपमा सञ्चालन हुने कार्यक्रममा सहभागी विद्यार्थीहरूले खेलकुदमार्फत अनुशासन, सहकार्य र प्रतिस्पर्धात्मक भावना विकास गर्ने विश्वास लिइएको छ ।
क्याम्पसले यस्ता कार्यक्रमले विद्यार्थीहरूको सर्वाङिगण विकासमा टेवा पुग्ने जनाएको छ ।
