दमक/ नेपाल उद्योग वाणिज्य महासंघको ३० चैतमा हुने राष्ट्रिय महाधिवेशनमा नेतृत्वका दाबेदार मध्ये अन्जन श्रेष्ठ नेतृत्वको टिमका उम्मेदवारहरुले चुनावी दौडाहाका क्रममा झापाको दमकका उद्योगी व्यवसायी प्रतिनिधिहरुसँग साक्षात्कार गरेका छन् ।
महासंघका उपाध्यक्षका उम्मेदवार तथा लुम्बिनी प्रदेश अध्यक्ष कृष्णप्रसाद शर्मासहित उम्मेदवारहरुको समुहले दमक उद्योग वाणिज्य संघका पदाधिकारी र सदस्यहरुसँग प्रतिनिधिमुलक सहभागितामा साक्षात्कार गरेका हुन् ।
शुक्रबार दमक उद्योग वाणिज्य संघको कार्यालयमा भएको स्वागत सम्मान कार्यक्रममा अञ्जान श्रेष्ठ नेतृत्वको टिमका उम्मेदवारहरुलाई दमक उद्योग वाणिज्य संघका तर्फबाट अध्यक्ष देवीप्रसाद गुरागाइँ, वरिष्ठ उपाध्यक्ष भगवान बस्नेत, कार्यसमिति सदस्य कमल कटुवालसहित व्यवसायी प्रतिनिधिहरुले समसामयिक अवस्था, निजी क्षेत्रका समस्या नेतृत्व पक्तिंले निर्वाह गर्नुपर्ने भुमिका लगायतका बिषयमा सुझावहरु राखेका छन् ।
सो अवसरमा महासंघका केन्द्रिय कार्यकारिणी सदस्य उम्मेदवार समेत रहेका दमक उद्योग वाणिज्य संघका पूर्व अध्यक्ष गोकूल श्रेष्ठसहितलाई महासंघको निर्वाचनमा विजयी गराउन आआफ्नो तर्फबाट सबैले सकारात्मक पहल कदमी लिने प्रतिबद्धता राखेका थिए ।
उपाध्यक्षका उम्मेदवार शर्माले निजी क्षेत्रको नेतृत्वमा आफूले लामो समयदेखि विभिन्न पदमा रहेर लिएको अनुभवका आधारमा यस क्षेत्रका समस्याबारे आफू परिचित रहेको र समाधानका लागि खेल्नुपर्ने भुमिकाका लागि पनि सक्षम रहेको बताउँदै सबैको साथ सहयोगबाटनै उपाध्यक्ष बन्ने विश्वास व्यक्त गरे । उनले निजी क्षेत्रले विशेष गरि अहिले भोग्दै आएको झण्झटिलो कर प्रणालीलाई सुधार गरेर एकीकृत कर प्रणाली लागू गराउन, साना तथा मझौला उद्योगहरुको प्रवद्र्धन र संरक्षण गर्दै अघि बढाउन र महासंघको साख तथा गरिमालाई अझै उचो बनाउन भुमिका खेल्ने प्रतिबद्धता पनि जनाए । कार्यक्रमको सञ्चालन दमक उद्योग वाणिज्य संघका प्रथम उपाध्यक्ष रुवल अधिकारीले गरेका थिए ।
