काठमाडौं/ प्रहरीले पक्राउ गरे लगत्तै नेकपा एमालेका अध्यक्ष एवं पूर्व प्रधानमन्त्री केपी शर्मा ओली अस्पताल भर्ना भएका छन् ।
आफ्ना पिताको १३ औं दिनको काम सकेको केही दिनमै आज बिहान करिब ६ बजे भक्तपुरको गुण्डुस्थित निवासबाट पक्राउ परेका उनलाई त्रिवि शिक्षण अस्पताल महाराजगञ्ज भर्ना गरिएको छ । उनलाई सो अस्पतालको एनेक्स वान भवन ५०१ नम्बर बेडमा भर्ना गरिएको हो । यो बेड मिर्गाैला प्रत्यारोपण गरिएका बिरामीलाई राख्ने बेड हो ।
मिर्गाैला प्रत्यारोपणका बिरामी ओलीलाई चिकित्सकको सुझाव अनुसार अस्पताल भर्ना गरिएको जिल्ला प्रहरी परिसर काठमाडौँका एसपी पवन भट्टराईले जानकारी दिए । बेडमा भर्ना गरिएको हो । .
ओली प्रधानमन्त्री भएको समयमा गत भाद्र २३/२४ को घटना जाँचबुझ गर्न तत्कालिन प्रधानमन्त्री सुशीला कार्की नेतृत्वको सरकारले गठन गरेको गौरीबहादुर कार्की नेतृत्वको जाँचबुझ आयोगको प्रतिवेदनका आधारमा ज्यान सम्बन्धि कसुरमा अनुसन्धान गर्न भन्दै सरकारले पक्राउ गरेको हो ।
प्रधानमन्त्री पदमा रास्वपाका बालेन्द्र साहले सपथ लिँदै तत्कालै शुक्रबारनै मन्त्रीपरिषद गठन गरेको थियो । नवगठित मन्त्रीमण्डमा गृहमन्त्रालय सम्हाल्ने जिम्मेवारी सुदन गुरुङले पाएका छन् । उनी गृहमन्त्री नियुक्त भए लगत्तै सुरक्षा अंगका प्रमुखहरुसँग डेढ घण्टा छलफल गर्दै मन्त्री गुरुङले आयोगबाट कारवाही सिफारिस गरिएका ओली र ओलीको नेतृत्वको सरकारका गृहमन्त्री नेपाली कांग्रेसका रमेश लेखकलाई पक्राउ गर्ने तयारी थालेका थिए ।
