दमक/ शुक्रबार रातीको हावाहुरीका कारण लत्रिएको बिजुलीको तारमा छुँदा करेन्ट लागेर झापाको दमक ८ मा एक युवकको मृत्यु भएको छ । दमक ८ सेतुमारी रोडका व्यवसायी परिवारका सदस्य २४ बर्षिय निरोज साहको आज बिहान मृत्यु भएको हो ।
राती हावाहुरीका कारण लत्रिएको बिजुलीको तारमा छोइँदा बिहान उनलाई करेन्ट लागेको थियो । उनलाई करिब साढे ९ बजे लाइफलाइन अस्पताल दमकमा उपचारका लागि लगिएपनि तत्कालै मृत्यु भएको अस्पताल स्रोतले जनाएको छ ।
