दमक/ झापाको दमक २ गजकाली टोलका दुई जना बालिका आज (सोमबार)देखि एकसाथ सम्पर्कबिहिन भएका छन् । उनीहरु बिहान ९ देखि ९.ं३० बजेको समयमा बिद्यालय जान भनि घरबाट निस्किएका थिए ।
हिमालय माविमा कक्षा ४ र ६ मा अध्ययनरत उपासना राई र विनिता खड्का एकसाथ बेपत्ता भएका हुन् ।
उनीहरु बिद्यालय जान भनि हिंडेकोमा बिद्यालयमा समेत नपुगी वेपत्ता भएका विनिताका नातेदार दाजु दिनेश खड्काले जानकारी दिए ।
आज बेलुकी बिद्यालय छुट्टी हुँदा पनि उनीहरु घर नआएपछि बिद्यालयमा सम्पर्क गर्दा बिद्यालयमानै नपुगेको खुल्न आएको स्थानीय उद्धव दाहालले बताए ।
उनीहरु वेपत्ता भएको बिषयमा इलाका प्रहरी कार्यालय दमकमा आज परिवारको तर्फबाट लिखित जानकारी गराइएको खड्काले बताए । परिवारले उनीहरुको खोजीका लागि सहयोग गरिदिन सार्वजनिक अपिल गरेका छन् ।
