गौरादहमा स्मार्ट एजुकेशन, बारिस्ता एण्ड कम्प्युटर तालिमको अवसर

गौरादह/ स्थानीयस्तरमै सीप सिकेर युवा पुस्तालाई स्वरोजगार बनाउने उद्देश्यले झापाको गौरादह मा स्मार्ट एजुकेशन ( बारिस्ता एण्ड कम्युटर तालिम) सेन्टर सञ्चालमा आएको छ । गौरादह १ डि पुमा सोही ठाउँका तीन जना उद्यमी व्यवसायीहरुको संयुक्त लगानीमा सो संस्था सञ्चालनमा आएको हो । आईतबार संविधान सभा सदस्य समेत रहेका सामाजिक ठाराजनीतिक व्यक्तित्व दीपक कार्कीको प्रमुख आतिथ्यमा आयोजित कार्यक्रम बीच सो संस्थाको औपचारिक उदघाटन गरिएको छ । सो अवसरमा कार्कीले स्थानीयस्तरमा खुलेका यस किसिमका व्यवसायिक सीप सिकाउने संस्थाहरुले नयाँ पुस्तालाई सकारात्मक बाटोमा अघि बढाउन विशेष योगदान दिने विश्वास व्यक्त गरे । उदघाटन कार्यक्रममा गौरादह नगरपालिका प्रमुख छत्रपति सुवेदीले स्थानीय सरकारले गर्नुपर्ने काममा स्मार्ट एजुकेशनका माध्यमबाट थप सहयोग पुगेको महसुस आफूले गर्न पाएको बताए । उनले भने – युवाहरुलाई आत्मनिर्भर बनाउन व्यवसायिक सीप र समयानुकूल प्रविधिमा जोडन बारीस्ता र कम्प्युटर सम्बन्धीको तालिमले योगदान दिनेछ । कार्यक्रममा गौरादह बहुमुखी क्याम्पसका पूर्व प्रमुख तथा शैक्षिक व्यक्तित्व भोजराज दाहालले युवाहरुलाई व्यवसायिक तथा स्वरोजगारको बाटोमा अघि बढाउन स्मार्ट एजुकेशनले सहयोग पुर्याउने उल्लेख गरे । सो संस्थाका सञ्चालक मध्येका फणीन्द्र दाहालले गौरादह, कोहोबरा, बैगुन्धुरा, गौरीगन्ज लगायतका क्षेत्रबाट दैनिक यस खाले सीप सिक्न दमक बिर्तामोड सम्म धाउनु पर्ने बाध्यताका कारण आफूहरुले गौरादहमा नै यस किसिमको अवसर ल्याएको बताए। उनका अनुसार स्मार्ट एजुकेशन मा एकैपटक १५ जनाले बारिस्ता विभिन्न स्वादका कफी बनाउने र १५ जनाले कम्प्युटर सम्बन्धी कोर्षहरुको नियमित अध्ययन गर्न सक्नेछन् । शैक्षिक क्षेत्रका लगानीकर्ताहरु फणीन्द्र दाहाल, पेशल बराल र तीर्थ खतिवडाले संयुक्त लगानीमा सो संस्था स्थापना गरेका हुन् ।