दमक/ झापा क्षेत्र नं. ५ का लागि नेपाली कम्युनिस्ट पार्टीका उम्मेदवार रन्जित तामाङले ५ मिसन र ७ भिजन सहितको भिजन पेपर जारी गर्ने जनाएका छन् ।
तामाङले आफ्नो चुनावी घोषणापत्रलाई अन्तिम टुंगो गर्न विभिन्न सरोकारवालासंग राय लिएका छन्। तामाङले सवैको राय लिएर साझा भिजन पेपर जारी गर्ने वताए ।
विहिवार दमकमा सो पार्टीद्धारा आयोजित सुझाव संकलन कार्यक्रममा तामाङले भने – झापा –५ को वहुआयामिक विकास र निकासका लागि ७ मिसन र ३५ भिजन सहितको भिजन पेपर ल्याउने तयारी गरेको छु।
तामाङले सवैको भावना समेटेर हामी साझा भिजन पेपर जारी गर्ने वताए । कार्यक्रममा दमक उद्योग वाणिज्य संघका अध्यक्ष गोपाल गुरागाईले भाद्र २४ गते घटेको घटनावाट पीडित उद्योगी ब्यवसायीको मनोवल उठाउन विशेष योजना ल्याउनुपर्ने वताए ।
गुरागाईले दमकमा औद्योगिक प्रदर्शनी स्थल निर्माण गर्नुपर्ने सुझाव दिए । नेपाल रेडक्रस सोसाइटी , दमकका अध्यक्ष प्रकाश वुढाथोकीले युवाहरुलाई उद्यमशीलता र रोजगार सृजना गर्ने कार्यक्रम ल्याउनुपर्ने वताए । वुढाथोकीले भने– युवालाई अब माछा हैन , वल्छि दिनुपर्छ ।
दमक जेसीजका निवर्तमान अध्यक्ष सहदेव भट्टराईले युवाका भावना र चाहना समेटेर घोषणापत्र ल्याउन सुझाव दिए । संचारकर्मीका तर्फवाट पत्रकार गोपाल झापालीले जनतालाई सहि सुचना दिने वातवरण वनाउनुपर्ने वताए ।
कार्यक्रममा दमक क्याम्पसका पुर्व सहायक क्याम्पस प्रमुख डिल्ली भट्टराईले विकासको मेरुदण्ड शिक्षा भएकाले शैक्षिक उन्नयनलाई केन्द्रबिन्दुमा राख्न सुझाव दिए ।
किरात याक्थुम् चुम्लुङ दमकका अध्यक्ष देवेन्द्र लिम्वुले आदिवासी जनजाति स्मृति रङ्गशालाको मुद्धालाई प्रमुखताका साथ समेट्न आग्रह गरे ।
कार्यक्रममा दमक प्याब्सनका सचिव लक्ष्मी नेपालले शिक्षा ऐनमा निजी क्षेत्रको योगदानलाई अबमुल्यन नगर्न आग्रह गरे ।
यसैगरी सहिद वेपत्ता परिवारका तर्फवाट सहिद पिता लालसुन्दर राईले भिजन पेपरमा सहिद र वेपत्ता योद्धाका सपना समेटिनुपर्ने वताए । आम्दा नेपालका तर्फबाट सुमन नेपालले स्वास्थ्य क्षेत्रलाई विशेष महत्व दिनुपर्ने वताए । भिजन पेपर तयारी समितिका संयोजक रमेश गुरागाईले प्राप्त सुझावका आधारमा अन्तिम रुप दिने वतए । नेकपाका झापा–५ निर्वाचन परिचालन समितिका संयोजक सुरेन्द्र बस्नेतले शिक्षा, स्वास्थ्य र रोजगारीलाई केन्द्रविन्दुमा राखेर भिजन पेपर जारी गरिने वताए ।
