गौरीगञ्ज/ झापाको गौरीगञ्ज गाउँपालिका वडा नं २ साविक कोरोबारीको आँपगाछीबाट बाहुन टोल तर्फ आउँदै गरेको अटो टेम्पोमा लुकाएर राखिएको लागूऔषधसहित चार जनालाई प्रहरीले पक्राउ गरेको छ ।
बुधबार दिउँसो करिब १.३० बजे मे १ह ५६६७ नम्बरको ओटो (टेम्पो) लाई गोप्य सुचनाको आधारमा इप्रका गौरीगञ्जबाट प्रहरी निरिक्षक भुवन बाबु खड्काको कमाण्डमा खटिएको टोलीले चेकजाँच गर्दा अटोको खुट्ट राख्ने म्याट मुनि लुकाएको अवस्थामा प्लाष्टिकसहित ७ ग्राम ५०० मिलि ग्राम ब्राउन सुगर जस्तो देखिने लिसाइलो पदार्थ बरामद गरेको हो ।
प्रहरीले सोसँगै अटो चालक जिल्ला झापा शिवसताक्षी .२ मनोहरा घर भई हाल दमक ८ का ३४ बर्षिय दिल कुमार विश्वकर्मा, गौरादह ८ भुँडेसिमलका २७ बर्षिय अमन ताजपुरिया, धरान उपमहानगरपालिका १६ घर भई हाल दमक ८ बस्ने १९ बर्षिया दिपा परियार र मोरङ वेलबारी ९ बेलचौरी घर भई हाल दमक ८ बस्ने १९ बर्षिया पार्वती चौधरीलाई पक्राउ गरेको हो । उनीहरुमाथि थप अनुसन्धान भइरहेको जिल्ला प्रहरी कार्यालय झापाले जनाएको छ ।
