दमक/ झापाको गौरादह ४ स्थित रामचन्द्रे खोलाको पूलमा बेहुला बेहुलीसहित जन्ती बोकेको ट्रयाक्टर पल्टिएर भएको दुर्घटनामा एक जनाको मृत्यु भएको छ भने १२ जना घाईते भएका छन् ।
सोमबार साँझ करिब ७ बजे रामचन्द्रे खोलाको पुलस्थित भित्री सड्क खण्डमा कुञ्जीबारीबाट गौरादह हुँदै स्कुलचनतर्फ जादै गरेको प्र.न.१–०१–००१ त.९७२० नम्बरको ट्याक्टर आफै अनियन्त्रीत भएर पुलबाट खोलामा खसेर भएको दुर्घटनामा मोरङ रतुवामाई ८ की ३८ बर्षिया स्वस्तिका मर्डीको मृत्यु भएको हो ।
घाईते मर्डीलाई दमकस्थित निम्स हस्पिटलमा उपचारका लागि ल्याइएकोमा ७.५५ बजे चिकित्सकहरुले मृत घोषणा गरेका जिल्ला प्रहरी कार्यालय झापाले जनाएको छ । दुर्घटनामा सोही ठाउँकी ५० बर्षिया मुनीमती सतार रतुवामाई ५ बस्नेत बर्ष १५ की सन्तोषी किस्क, वडा नं ५ बस्ने बर्ष ६० का एतोबार मुर्मु रतुवामाई ८ कै २३ बर्षिया बिनिता मर्डी , २० बर्षिया सरिता मर्डी निजकै छोरा बर्ष ३ को गंगाराम मर्डी रहेका छन् । त्यस्तै रतुवमाई –५ की पुजा मर्डीको छोरी बर्ष ८ की मेलिना मर्डी, मोरङ सुनबर्षी नपा–२ की ३० बर्षिया शिला मर्डी, झापा गौरादह ९ बैगुनधुराका १७ बर्षिय बिजय वास्की, रतुवामाई ८ बस्ने बर्ष २६ की मिना मर्डी, पुल मर्डीको छोरी बर्ष १२ की सम्झना मर्डी समेत घाईते भएका हुन् । उनीहरुको उपचार भइरहेको जनाइएको छ । ट्याक्टर चालक रतुवामाई ५ का २५ बर्षिय चमलाल मुर्मुलाई प्रहरीले नियन्त्रणमा लिएको जनाइएको छ ।
