दमक/ दमक ८ स्थित झापा मोडेल अंग्रेजी स्कूलका कक्षा ८ मा अध्ययनरत बिद्यार्थी प्रनव मण्डलले राष्ट्रिय स्तरको अवार्ड प्राप्त गरेका छन् । शुक्रबार पोखरामा सम्पन्न विद्यार्थी गुणीय चक्र (एसक्यूसी) को उन्नाइसौँ राष्ट्रिय सम्मेलनमा प्रनवले सो अवार्ड जितेका हुन् ।
विद्यार्थी गुणीय चक्रको क्षेत्रमा कार्यरत संस्था क्वेष्ट नेपालको आयोजनामा पोखरास्थित सेन्ट मेरिज स्कुलमा पौष ३० देखि माघ २ गतेसम्म तीन दिन चलेको सम्मेलनमा देशभरका करिब ८५ विद्यालयका झन्डै ६०० जना विद्यार्थी तथा शिक्षक प्रतिनिधिहरूको सहभागिता रहेको थियो ।
सम्मेलन अन्तर्गत विभिन्न पाँच विद्यालयका पाँच जना विद्यार्थीले मनसा मेमोरियल सम्पूर्ण गुणी व्यक्ति अवार्ड प्राप्त गरेका छन् । ति मध्ये दमकस्थित झापा मोडलका प्रनव पनि रहेका विद्यालयले जनाएको छ ।
देशभरबाट हरेक वर्ष पाँच सहभागीलाई मात्र प्रदान गरिने उक्त अवार्ड प्रा. डा. दिनेश चापागाईंकी छोरी मानसीको स्मृतिमा स्थापना गरिएको हो ।
त्यसैगरी, झापा मोडेल आवद्ध झापा हबलाई उत्कृष्ट हबका रूपमा घोषणा गर्दै सम्मेलनका क्रममा झापा हब क्वालिटी हब अवार्ड २०२६ द्वारा सम्मानित भएको छ ।
विद्यार्थीको नेतृत्व विकास, गुणस्तरीय सिकाइ र सहकार्यमा आधारित गतिविधिहरूमा प्रभावकारी भूमिका निर्वाह गरेबापत उक्त सम्मान प्रदान गरिएको हो ।
सम्मेलनमा नेपालमा विद्यार्थी गुणीय चक्रका सुरुवातकर्ता प्रा. डा. दिनेश चापागाईं, क्वेष्ट नेपालका अध्यक्ष नारद रिजाल, उपाध्यक्ष ब्राइट फ्यूचर माविका अध्यक्ष मोहन कुमार कार्की,झापा मोडलका प्रिन्सिपल सागर श्रेष्ठल गायतको उपस्थिति रहेको थियो ।
जेम्सका कक्षा ६ देखि कक्षा ९ सम्मका ६ बिद्यार्थीहरु टोली नेता संयम श्रेष्ठको नेतृत्वमा सहभागी भएका थिए । 
