दमक/ नेकपा (एमाले) को सचिवालय बैठकले निर्वाचनका लागि सबै प्रदेशमा प्रदेश संयोजक तोकेको छ । एमाले उपमहासचिव लेखराज भट्टले मङ्गलबार च्यासलस्थित पार्टी केन्द्रीय कार्यालयमा बसेको बैठकले सो निर्णय गरेको जानकारी दिए ।
कोशी प्रदेशमा पार्टी सचिव शेरधन राईले संयोजकको जिम्मेवारी पाएका छन् । मधेश प्रदेशमा लीलानाथ श्रेष्ठ, बागमती प्रदेशमा महेश बस्नेत, राजधानीमा डा. राजन भट्टराई, गण्डकीमा खगराज अधिकारी, लुम्बिनीमा पद्मा अर्याल, कर्णालीमा यामलाल कँडेल र सुदूरपश्चिममा गणेश ठगुन्नालाई प्रदेश संयोकका रुपमा तोकिएको छ ।
उनले सङ्गठन विभागमा भानुभक्त ढकाल, प्रचार विभागमा मिनबहादुर शाही र निर्वाचन विभागमा रमेश बडाललाई जिम्मेवारी दिइएको जानकारी दिए ।
बैठकले निर्वाचनसम्बन्धी काम गर्नका लागि पार्टीका पदाधिकारी र केन्द्रीय सदस्यहरुलाई परिचालन गर्ने निर्णय गरेको उनको भनाइ छ ।
