विर्तामोड / तत्कालिन नेकपा माओवादी र नेकपा एकीकृत समाजवादीबीच भएको एकतामा असहमत हुँदै अधिकांश झापाली नेताहरु नेकपा(संयुक्त)मा सक्रिय भएका छन् ।
नेपाल कम्युनिष्ट पार्टी (संयुक्त) जिल्ला कमिटी झापाको आयोजनामा अगुवा नेता तथा कार्यकर्ताहरुको आन्तरिक बहस, भेटघाट तथा अन्तरक्रिया कार्यक्रम शनिबार संम्पन्न भएको छ । विर्तामोडमा आयोजित कार्यक्रममा बामपंन्थी आन्दोलनका आरोह , अवरोहका बारेमा उनीहरुबीच विचार विमर्श चलेको थियो ।
सो अवसरमा झापा आन्दोलनका अगुवा सिएन सापकोटाले नेपालमा बामपंथी विचार, दर्शन, सिदान्त पछिल्लोसमय कमजोर बन्दै जानु दुःखद भएको बताए ।
सापकोटाले जनताका आधारभूत समस्यालाई पर राखेर आफ्ना निम्ति मात्रै सोच्ने प्रवृतिले नेपाली समाजमा कम्युनिष्ट आन्दोलन असफल बन्दै गएको बताए ।
त्यस्तैं, झापाका पुराना बामपंन्थी नेता दुर्गा भट्टराईले समाजवाद विचार, दर्शन, सिद्धान्तले मात्रै नेपाली जनतालाई न्याय दिन नसक्ने बताए ।
नेकपा (संयुक्त) का केन्द्रीय सदस्य भीम बस्नेतले पुँजीपति वर्ग र श्रमजीवी जनताबीचको अन्तरविरोधका बारेमा बोलेका थिए ।
नेता बस्नेतले अहिले समाजवाद प्राप्त गर्ने नाममा धेरै भ्रम, अन्योलता सिर्जना गरिएको र नेपालको राजनीतिमा समाजवादी नामका धेरै संख्यामा पार्टीहरू निर्माण हुन र फुट्दै जानुपर्ने अवस्थामाथि प्रकाश पारेका थिए । नेकपा (सँयुक्त) का केन्द्रीय सदस्य निलमणी बरालले जनताको सर्घष, त्याग र बलिदानबाट गठन भएको नेपाल कम्युनिष्ट पार्टीलाई केही पुँजीपति बर्गको बिचार र प्रवृतिले गर्दा आन्दोलनलाई कमजोर बनाएको बताए । नेता बरालले नेपाली जनतालाई समाजवादी व्यवस्थातिर लैजान नेपालका कम्युनिष्ट पार्टीहरुवीच अझैपनि एकता र सहकार्य हुन जरुरी रहेको औंल्याए । नेता बरालका अनुसार नेपालमा कम्युनिष्ट पार्टीहरुले समाजवादको बिचार, दर्शन र सिद्धान्तलाई बाहिर देखाएपनि व्यवहारमा क्रमश छाड्दै–छाड्दै गइरहेका छन् ।
सो कार्यक्रममा झापाका अग्रज पत्रकार एवं विश्लेषक लीला बरालले समाजवादप्रती नेपाली समाजमा नकारात्मक बुझाई रहेको र त्यसलाई वामपंन्थी पार्टीहरुले प्रष्ट बनाउँदै लैजानुपर्नेमा जोड दिए ।
पूर्ववत नेकपा (एकीकृत समाजवादी) झापाका उपसचिव होमबहादुर बराल, नेता कमल बुढाथोकी, दमक नगर कमिटी अध्यक्ष हरिप्रसाद नेपाल लगायतले आ–आफ्ना बिचारहरु राखेका थिए ।
त्यस्तैं, प्रदेश कमिटी सदस्य श्री सिटौला, मदन खतिवडा, शुशिला तिवारी बराल, कलम बुढाथोकी, लक्षमण खतिवडा, रतज राजवंशी, गोविन्द बास्तोला, प्रमिला महतो, हर्कबहादुर कुँवर, पदम कट्टेल, भीम बराइली, मदन ढकाल लगायतले आ–आफना जिज्ञासा र सुझावहरु राखेका थिए ।
