दमक/ झापाको दमकस्थित ग्लोबल एजुकेशन एकाडेमीका दुई जना बिद्यार्थी काठमाडौंमा सम्पन्न अन्तराष्ट्रियस्तरको चेस प्रतियोगितामा उत्कृष्ट खेल प्रदर्शन गर्दै पुरस्कृत भएका छन् । मसिंर १७ देखि १९ गते सम्म काठमाडौंको हात्तीगौडास्थित TRUNGRAM INTERNATIONAL ACADEMY मा सञ्चालन भएको TIA International Inter– School Chess Championship मा सहभागी विभिन्न उमेर समुहका बिद्यार्थीहरुबीच भएको सो प्रतियोगितामा सहभागी ग्लोबलका विद्यार्थीहरु प्रविशा दवाडी (यु १३ छात्र) र श्रीयन्स चौलागाँईं क्रमशः दोस्रो ,र चौंथो तथा महेश दवाडी (यु १३ छात्र तर्फ १३ औं) स्थान प्राप्त गर्न सफल भएका हुन् ।
प्रतियोगितामा नेपाल, भारत, बंगलादेश र श्रीलंकाका पाँच सय बढी खेलाडी बिद्यार्थीहरु सहभागी थिए ।
प्रतियोगिताका उत्कृष्ट बिद्यार्थीहरुलाई युवा तथा खेलकुद मन्त्री बब्लु गुप्ता, रिपोर्टस क्लबका अध्यक्ष पत्रकार ऋषी धमला लगायत शैक्षिक क्षेत्रका विशिष्ट व्यक्तित्वहरुले पुरस्कृत गरे । सो प्रतियोगितामा कूल ३ लाख राशीका विभिन्न उमेर समुहका विजेता बिद्यार्थीहरुलाई पुरस्कार स्वरुप वितरण गरिएको थियो ।
