दमक/ झापाको दमकमा एक जना व्यक्तिको रहस्यमयी मृत्यु भएको छ । दमक ५ क्याम्पसमोडमा अर्जुनधारा ४ का ६२ बर्षिय युवराज पौडेलको रहस्यमयी ढंगबाट मृत्यु भएको हो ।
प्रहरीका अनुसार अपरान्ह करीब सवा ४ बजे पौडेल सडकमा हिंडने क्रममा लडेर बेहोस भएका थिए । उनलाई तत्काल अचेत अवस्थामा निम्स नेशनल हस्पिटल दमकमा उपचारका लागि ल्याइएको र तत्कालै अस्पतालले मृत घोषणा गरेका जिल्ला प्रहरी कार्यालय झापाले जनाएको छ । सो घटनाबारे इलाका प्रहरी कार्यालय दमकको टोलीले थप अनुसन्धान शुरु गरेको जनाइएको छ ।
