आफ्ना बुवाको नवौँ मासिक तिथीमा विभिन्न तीन आश्रममा आश्रित असहाय नागरिकहरुका लागि दैनिक उपभोग्य सामग्री, खाद्यन्न र स्वास्थ्य सामग्री प्रदान गर्ने तयारीमा झापा दमक ९ का स्वास्थ्य व्यवसायी एवं परोपकारी , सामाजिक व्यक्तित्व लोमश न्यौपाने ।
उहाँले मानव उद्धार सेवा दमक–२ , अनाथ बाल आश्रम दमक ९ र पुकार अपाङ्ग अशक्त समाज कन्काई नगरपालिका –४ झापालाई उहाँले पिताको सम्झनामा सो सहयोग प्रदान गर्नुभएको हो । पितृहरूको मुक्तिको कामनासहित मानव हितको लागि सहयोग गर्न सदैव पितृहरूको आशिर्वाद प्राप्त भइराखोस् भन्ने पनि न्यौपाने परिवारले कामना गरेको छ । बाल आश्रम दमककी सञ्चालक समिति अध्यक्ष मन्धरा चिमरिया पौडेलले न्यौपाने परिवारले आफ्ना पितृहरुको सम्झनामा आश्रमका बालबालिकालाई सहयोग गरेर असल उदाहरण प्रस्तुत गरेको भन्दै धन्यवाद व्यक्त गर्नुभएको छ ।
