झापा/ नेकपा एमाले झापा क्षेत्र नं ५ मा महाधिवेशन प्रतिनिधि चयनका लागि भएको निर्वाचनको मतगणना जारी छ । अहिले सम्म खुल्ला महिला र युवा कोटाका उम्मेदवारहरु तर्फको मतगणना भइरहेको छ भने खुल्ला पुरुष तर्फको गणना हुन बाँकी छ । महिला तर्फ तीन जनाको लागि भएको निर्वाचनमा ५०० मत गणना हुँदा नर्वदा गौतमले ३२९ मत ल्याएकी छिन भने अम्बिका अधिकारीले २९७ र लीला ढुंगेल दाहालले २५८ मत ल्याएकी छिन् । त्यस्तै पार्वता ढकालले २५६ मत ल्याएकी छिन् ।
त्यसैगरी युवा तर्फ १ जनाका लागि भएको निर्वाचनमा १४०२ मत गणना हुँदा युवराज पौड्याल (विवश)ले ५६२ मत ल्याएर अग्रता लिएका छन भने सुसिल कुमार राईले ३६५ मत ल्याएका छन् ।
