झापा/ तेह्रथुमको आठराईबाट झापा तर्फ आउँदै गरेको यात्रुबहाक बोलेरो गाडी इलामको देउमाई न.पा. १ कुखुरे स्थित मेची राजमार्गमा मोटरसाइकलसँग ठोक्किएर पल्टिएको छ ।
बिहीबार आज करिब साढे १० बजे भएको सो दुर्घटनामा बोलेरोमा सवार ९ जना र एउटा मोटरसाइकलका चालकसहित १० जना घाईते भएका हुन् ।
तेह्रथुमबाट झापा तर्फ आउदै गरेको मे १ ज ३१३७ नम्बरको यात्रुवाहक बोलेरो र इलामबाट पाँचथर तर्फ जादै गरेको प्र.१–०१–०१६प १३६७ नम्बरको २२० सीसीको पल्सर मोटरसाइकल दुर्घटना भएको हो ।
प्रहरी चौकी रक्से इलामबाट खििटएको प्रहरी टोलीले उनीहरुको उद्धार गरी इलाम जिल्ला अस्पताल तर्फ पठाएको प्रहरीले जनाएको छ ।
बोलेरोमा सवार बिर्तामोड ६ गरामुनीकी ३० बर्षीया सुशीला तिमल्सिना, तेह्रथुम आठराई त्रियुगा गा.पा. १ का ६५ बर्षीय छबीलाल गुरुङ, ३० बर्षिय प्रकाश शेर्पा, ताप्लेजुङ आठराई त्रिवेणी गाउँपालिका वडा नं १ निगुरादिन बस्ने वर्ष ६४ कि डम्मर कुमारी गुरुङ घाईते भएका छन् ।
त्यसैगरी सोही दुर्घटनामा घाईते हुनेहरुमा ३० बर्षिय इन्द्र गुरुङ, अञ्जना गुरुङ, धनकुटा घर बताउने वर्ष ३२ कि सुष्मा लिम्बू, पाँचथर फालेलुङ गा.पा. ०६ सिदिन बस्ने वर्ष २३ कि असिना तामाङ झापा बुद्धशान्ति गा.पा. ०४ जयपुर बस्ने वर्ष २७ कि चन्द्रकला कालिकोटे र मोटरसाइकल चालक पाँचथर हिलिहाङ गा.पा. ६ का ३६ बर्षीय लक्ष्मी प्रसाद मैनाली रहेका छन् ।
