दमक/ जेनजी आन्दोलनका क्रममा सेवा रोकिएको दमकस्थित आन्तरिक राजश्व कार्यालय नयाँ घरमा स्थापना गरिएको छ । बुधबारदेखि दमक ५ स्थित दिपिनी मार्ग (भृकुटी चोक) नजिकैको घर भाडामा लिएर कर कार्यालय सञ्चालनमा ल्याइएको हो ।
भाद्र २४ गते साँझ दमकस्थित आन्तरिक राजश्व कार्यालयमा एक समुहले जेनजीे आन्दोलनको आडमा गरेको आगजनीको कारण सो कार्यालयबाट दिइँदै आएको सेवा प्रभावित हुन पुगेको थियो । दमक उद्योग वाणिज्य संघका अध्यक्ष गोपाल गुरागाइँले कर कार्यालयको सेवा सूचारु भएसँगै अब व्यवसायीहरुलाई समयमा कर तिर्ने र कर सम्बन्धि आवश्यक परामर्श लिन सहज भएको बताउनु भयो ।
