दमक/ झापाको दमक ९ पुर्वेली टोलमा आज बिहान टोलबासीहरुले सरसफाई कार्यक्रम गरिएको छ ।
जेन जी पुस्ताको आन्दोलनका कारण ठुलो बिध्वंस र बिनाश भए पनि फेरी मुलुकलाई समृद्ध बनाउन नागरिक एक जुट हुनु पर्छ भन्ने सन्देश दिन साथै गाउँ टोल सुन्दर बनाउन सरसफाई गरिएको पुर्वेली टोल बिकास संस्थाका अध्यक्ष उमानाथ न्यौपानेले जानकारी दिनुभयो ।
टोलका जेष्ठ नागरिक, युवा तथा बालबालिका समेतको सहभागीतामा टोलका प्रमुख बाटो साथै केही सहायक बाटोहरुको पनि सरसफाई गरिएको हो ।
आन्दोल सकिएर नयाँ नेपाल निर्माणको आशा सबैमा भए पनि सबै नागरिक जागरुक भए मात्रै देश समृद्ध बन्ने अध्यक्ष न्यौपानेले बताउनु भयो ।
चाडपर्व नजिँकिदै गएको साथै बर्षाको समय पनि सकिन थालेकोले टोलको सरसफाई गरिएको हो । बाटो सफा गर्नुका साथै सडक किनारामा घर निर्माणका सामाग्री नराख्न, आप्mनो घर अघि सधैं सफा राख्न, वृक्षारोपण गरी हरियाली बनाउन आग्रह गर्दै टोलको सबै क्षेत्रमा सरसफाई गरिएको हो ।
आन्दोलनका कारण सुरक्षा निकायहरु बिस्थापित भएकाले सुरक्षा चुनौती समेत बढेको भन्दै रातको समयमा टोलको सुरक्षाका लागि टोलबासीहरु आपंै गस्ती गर्न थालेको पनि अध्यक्ष न्यौपानेले बताउनु भयो । हरेक रात पालो मिलाएर टोलबासीहरु टोलको सुरक्षामा खटिन थालेको पुर्वेली टोल सुरक्षा समिति संयोजक अनन्त कटुवालले जानकारी दिनुभयो ।
रातको समयमा टोलमा कुनै शंकास्पद ब्यक्ति भेटिए नियन्त्रणमा लिएर सुरक्षा निकायलाई जानकारी गराउने गरिएको उहाँले बताउनु भयो ।
त्यसैगरी दमकको २ नम्बर वडामा पर्ने अरनिको चोक आसपास क्षेत्रका बासिन्दाले गाउँ घर सुरक्षा समिति गठन गरेर रात्रीकालिन गस्ती शुरु गरेका छन् । पछिल्लो समय आएको नयाँ परिस्थितीमा प्रहरी एकाईहरु पूर्णरुपले सञ्चालनमा नआएका कारण गाउँ टोलमा हुन सक्ने आपराधिक क्रियाकलापहरु रोक्न सो क्षेत्रका बासिन्दाले चुडामणी खनालको संयोजकत्वमा लक्ष्मी पौडेल सहसंयोजक रहेको २३ सदस्यीय सुरक्षा समिति गठन गरेका हुन् ।
सहसंयोजक पौडेलका अनुसार सो समितिमा आवद्ध घर धुरीबाट एक÷एक जना आवद्ध गराई विभिन्न समुह बनाएर आलोपालो रात्रीकालिन सुरक्षा गस्ती गरिनेछ ।
