दमक/ झापाको दमक २ का एक युवा लागूऔषध मुद्धामा कारागार चलान भएका छन् । सो ठाउँका २४ बर्षीय विजय धिमाललाई जिल्ला अदालत झापाले आइतबार कारागार चलानको आदेश दिएको हो । २०८१ साल जेठ १४ गतेको फैसलाले सो मुद्धामा धिमाललाई ५ बर्ष ९ महिना ४ दिनको कैद सजायँ र १० हजार बराबरको जरिवाना तोकेको थियो । सो पछि फरार सूचीमा रहेका धिमाललाई शनिबार इलाका प्रहरी कार्यालय दमकको टोलीले दमक ५ बाट पक्राउ गरि आज आइतबार झापा जिल्ला अदालतमा उपस्थित गराउँदा अदालतले कारागार चलानको आदेश दिएको जिल्ला प्रहरी कार्यालय झापाले जनाएको छ ।
