झापा/ झापाको कचनकवल गाउँपालिका वडा नम्बर २ रतिबारीकी एक महिलाको शव खाल्डोमा डुबेको अवस्थामा फेला परेको छ ।
सो ठाउँकी उखारू राजवंशीकी श्रीमती ४६ बर्षिया उजारु राजवंशीको घर नजिकै झारु राजवंशीको खेतमा माटो निकाल्न खनेको गहिरो खाडलमा जमेको पानीमा डुबेको अवस्थामा भेटिएको हो ।
आइतबार बेलुकी करीब ५ बजे उनलाई डुबेर मृत्यु भएको अवस्थामा स्थानीयहरुले देखेर प्रहरीलाई जानकारी गराएका थिए । घटनाबारे जानकारी पाएको जिल्ला प्रहरी कार्यालय झापाबाट प्रहरी अधिकृत सहितको टोली त्यसतर्फ गएको थियो । सो टोलीले आवश्यक कानुनी प्रकृयाहरु पूरा गरेर शब पोष्टमार्टमको लागि प्रादेशिक अस्पताल भद्रपुर पठाएको छ । घटनाबारे थप अनुसन्धान जारी रहेको जिल्ला प्रहरी कार्यालय झापाले जनाएको छ ।
