कमल / झापाको कमल ३ खानेपानी टोलमा रहेको ढ्याङग्री खोलामा करेन्ट लगाएर माछा मार्ने क्रममा एक युवकको ज्यान गएको छ । सो ठाउँका २१ बर्षिय उज्वल राईको करेन्ट लागेर आज दिउँसो मृत्यु भएको हो ।
जिल्ला प्रहरी कार्यालय झापाका अनुसार करेन्ट लागेर घाईते भएका उनलाई आफन्तले देखेर प्रहरीमा खबर गरेका थिए । उनलाई तत्काल उपचारकालागि लाइफलाइन अस्पताल दमकमा ल्याइएको भए पनि दिउँसो ३ बजे अस्पतालले मृत घोषणा गरेको जनाइएको छ ।
