दमक/ सात महिना अघि १६ बर्षिया एक नाबालिकालाई जवरजस्ती करणी गरी गर्भवती बनाएर फरार भएका झापाको गौरादह नगरपालिका वडा नं ९ बैगुन्धुराका ५० बर्षिय डिकबहादुर राईलाई प्रहरीले पक्राउ गरेको छ । गत माघको पहिलो साता १६ बर्षिया एक नाबालिकालाई डर त्रास देखाई करणी गरेर गर्भवती बनाई फरार रहेका राईका विरुद्ध इलाका प्रहरी कार्यालय झिलझिलेमा जेठ २८ गते जवरजस्तीकरणी सम्बन्धि कसुर दर्ता भएको थियो । सो पछि बैगुुन्धुराबाट फरार रहेका राईलाई आज बुधबार बिहान करिब ११ बजे गोप्य सूचनाका आधारमा ईलाका प्रहरी कार्यालय झिलझिलेबाट खटिएको प्रहरी टोलीले शिवसताक्षी नगरपालिका वडा नं ६ शिवगञ्जमा फेला पारेको हो । उनलाई आजनै मुलुकी अपराध संहिता २०७४ अन्तर्गत जबरदस्ती करणी कसूरमा जिल्ला अदालत झापाबाट पाँच दिनको म्याद लिई थप अनुसन्धान तथा कारवाही अघि बढाइएको जिल्ला प्रहरी कार्यालय झापाले जनाएको छ ।
