दमक/ नेपाल प्रेस युनियन झापा शाखाले सय दिने सदस्यता अभियान शुभारम्भ गरेको छ । युनियन केन्द्रबाट जारी परिपत्र अनुसार जिल्ला शाखाको बैठक बसि अभियान सुरु गरेको हो । युनियन केन्द्रिय समितिको बैठकले गत साउन १५ गते देखी आगामी कात्तिक २१ गते सम्म सदस्यता नविकरण तथा नयाँ सदस्यता वितरणका सय दिने अभियान सञ्चालन गर्ने बारेमा गरेको निर्णयको परिपत्र अनुसार झापा जिल्ला शाखाको बैठकले अभियान सञ्चालन गर्ने निर्णय गरेको हो ।
जिल्ला अध्यक्ष गिरिराज भट्टराईको अध्यक्षता र जिल्लामा रहेका युनियनका केन्दिय्र तथा प्रदेशका पदाधिकारी तथा सदस्यहरुको उपस्थितिमा बसेको बैठकले केन्द्रको परिपत्र अनुसार संगठनका गतिबिधि अघि बढाउन अभियान सञ्चालन गर्ने निर्णय गरेको जनाइएको छ ।
बैठकले सो अभियान सञ्चालनका लागि युनियनका जिल्ला उपाध्यक्ष ईश्वर अधिकारीको संयोजकत्वमा उपाध्यक्ष सविना लिम्बु साथै कार्यसमिति सदस्यहरु बिष्णु पौडेल, बिष्णु श्रेष्ठ र देवेन्द्र प्रसाईं सदस्य रहेको पाँच सदस्सीय समिति समेत गठन गरेको छ ।
समितिले पुराना सदस्यहरुको नविकरण र जिल्लामा क्रियाशील पत्रकारहरुलाई युनियनको सदस्यता वितरणका लागि सहजिकरण गर्ने जनाईएको छ ।
त्यसैगरी युनियन झापाको बैठकले संबिधान सम्बन्धि बहस सञ्चालन गर्नका लागि योजना बनाउन जिल्ला अध्यक्ष भट्टराईलाई जिम्मेवारी दिएको पनि जनाईएको छ ।
