कमल/ झापाको कमल गाउँपालिकाको मंगलबारे एरियाबाट ठुलो परिमाणमा लागूऔषधजन्य प्रतिबन्धित औषधिसहित दुई जनालाई प्रहरीले पक्राउ गरेको छ । पक्राउ पर्नेहरुमा स्थानीय बिष्णुप्रसाद बगाले र गंगाबहादुर खड्का रहेका छन् ।
उनीहरुलाई इलाका प्रहरी कार्यालय दमकको टोलीले ७ हजार १ सय ६० थान प्रतिबन्धित औषधिसहित बुधबार साँझ पक्राउ गरेको हो । बगालेको घरमा लुकाई छिपाई राखेको ट्रामाडोल ३ हजार थानसहित अन्य विभिन्न प्रतिबन्धित औषधि ७ हजार १ सय ६० थानसहित खड्का र बगालेलाई नियन्त्रणमा लिएर थप अनुसन्धान अघि बढाइएको इलाका प्रहरी कार्यालय दमकका इञ्चार्ज डीएसपी राम प्रसाद तिमल्सीनाले जानकारी दिनु भयो ।
