ताप्लेजुङ/ ताप्लेजुङको आठराई त्रिबेणी गाउँपालिका–४ आहालेका २२ बर्षीय मन कुमार बि.क.लाई आफ्नै भाईको हत्या गरेको आरोपमा प्रहरीले पक्राउ गरेको छ ।
गत शुक्रबार साँझ ६ बजे दाजु भाई बिच सामान्य बाद–बिबादको क्रममा विकले आफ्नै भाई २० बर्षीय रोशन बि.क.लाई खुकुरी प्रहार गर्दा रोशनको घटनास्थलमा नै मृत्यु भएको थियो ।
इलाका प्रहरी कार्यालय दोभानबाट खटिएको प्रहरी टोलीले उनलाई खुकुरीसहित नियन्त्रणमा लिएको छ । जिल्ला प्रहरी कार्यालय ताप्लेजुङले उनीमाथी थप अनुसन्धान तथा कानूनी कारवाही भईरहेको जनाएको छ ।
