झापा/ मोरङको केरावारी गाउँपालिका–७ मा रहेको मुगु मेडिकलबाट प्रतिबन्धित लागूऔषधी सहित मेडिकल सञ्चालक पक्राउ परेका छन् ।
सञ्चालक बेलबारी नगरपालिका–८ का २८ बर्षीय मनिष कुँवरलाई प्रहरीले पक्राउ गरेको हो ।
मंगलबार बिहान मेडिकलबाट प्रतिबन्धित लागू औषधीको कारोबार भईरहेको भन्ने विषेश सूचनाको आधारमा इलाका प्रहरी कार्यालय केराबारी र लागू औषध नियन्त्रण ब्युरो विराटनगरबाट खटिएको प्रहरी टोलीले मेडिकलबाट डिकोलिक ४ हजार ५ सय ट्याव्लेट र ट्रामाडोल ४ हजार ५ सय ट्याव्लेट बरामद गरेको हो । प्रतिबन्धित लागूऔषधी सहित पक्राउ परेका कुँवरमाथि थप अनुसन्धान भईरहेको प्रहरीले जनाएको छ ।
