दमक/ झापाको दमक र सुनसरीबाट लागूऔषधसहित ६ जनालाई प्रहरीले पक्राउ गरेको छ । इलाका प्रहरी कार्यालय दमकले गोप्य सूचनाको आधारमा दमक नगरपालिका–४ का १९ बर्षीया प्रिया तामाङ, दमक–५ का १९ बर्षीय सुमित सुन्दास, २१ बर्षीय प्रविन चेम्जोङ र दमक–१० का २७ बर्षीय मनोज खनाललाई ३५० क्याप्सुल र ३५० चक्की सहित दमक–४ बाट नियन्त्रणमा लिएको हो । उनीहरुलाई सिटी सफारीमा शंकास्पद अवस्थामा हिंड्दै गर्दा आस्था कलेज नजिकैबाट प्रहरीले पक्राउ गरेको जनाइएको छ ।
यसैगरी इलाका प्रहरी कार्यालय इटहरीले धनकुटाको साँगुरीगढी गाउँपालिका–६ का २६ बर्षीय धिरेन राई र २७ बर्षीय धिरज मगरलाई २ ग्राम ब्राउन सुगर सहित इटहरी–४ स्थितबाट नियन्त्रणमा लिएको कोशी प्रदेश प्रहरी कार्यालय विराटनगरले जनाएको छ ।
