दमक/ झापाको बाह्रदशी १ खैरबारीमा बुधबार भएको सवारी दुर्घटनामा मृत्यु हुनेको संख्या तीन पुगेको छ ।
बाह्रदशी १ खैरबारीमा बुधबार दिउँसो करिब सवा ३ बजे द्यच्घठब्श् टद्धद्धण् नम्बरको मोटरसाइकल र बिपरीत दिशावाट आउदै गरेको प्र.१–०१–०१६ प ९२७० नम्बरको स्कुटर ठोक्किँदा भएको दुर्घटनामा दुवै सवारीका चालकको मृत्यु भएको थियो ।
स्कूटरमा सवार तीन बर्षका बालक आयुष राजवंशीको पनि बुधबार राती उपचारका क्रममा मृत्यु भएसँगै सो दुर्घटनामा मृत्यु हुनेको संख्या तीन पुगेको हो ।
दुर्घटनामा यस अघि स्कूटरका चालक कचनकवल गाउँपालिका वडा नम्बर ३ का ६० बर्षिय श्रीप्रसाद राजवंशी र भारतको किसनगञ्ज जिल्लामा पर्ने डिगलबैंक करलाबारीका २७ बर्षिय सुरज टुडुको मृत्यु भएको थियो । सोही दुर्घटनामा गम्भिर घाईते मोटरसाइकलमा सवार २७ बर्षीया उर्मिला राजवंशीको गम्भिर अवस्थामा बिएण्डसी अस्पताल विर्तामोडमा उपचार भइरहेको प्रहरीले जनाएको छ । मृतक श्रीप्रसाद र आयुष राजवंशी एकै परिवारका हजुरबुबा नाती हुन् भने घाईते उर्मिला आयुषकी आमा हुन् ।
