दमक/ बिद्युत मोटरबाट खेतमा रोपाइँका लागि सिँचाई गर्ने क्रममा झापामा एक जनाको करेन्ट लागेर मृत्यु भएको छ । मृत्यु हुनेमा झापाको बुद्धशान्ती गाउँपालिका वडा नम्बर ३ सयपत्री टोलका ३९ बर्षिय रोशन जिमी रहेका छन् ।
आज आइतबार साँझ घर नजिकैको खेतमा सिचाइँका लागि पैनीबाट मोटर सेट गरी सिँचाई गर्ने प्रयास गर्दा करेन्ट लागेर उनको मृत्यु भएको हो । करेन्ट लागेर सख्त घाईते भएका जिमीलाई बिएण्डसी अस्पताल विर्तामोड ल्याइएकोमा साँझ करिब ७.१५ बजे चिकित्सकहरुले मृत घोषणा गरेका जिल्ला प्रहरी कार्यालय झापाले जनाएको छ ।
