इलाम/ इलामको माई नगरपालिका–२ निवासी ५२ वर्षीय खेमराज ढकाललाई नाबालिका छात्रामाथि यौन दुव्र्यवहार गरेको आरोपमा प्रहरीले पक्राउ गरेको छ । आइतबार साँझ उनलाई आफ्नै घरबाट नियन्त्रणमा लिइएको प्रहरीले जनाएको छ ।
ढकाल माई नगरपालिकामा रहेको हरियाली रेसम शैक्षिक सार्वजनिक गुठी स्कुलका सञ्चालक, नेकपा एमालेका जिल्ला सल्लाहकार तथा बुद्धिजिवी परिषदका जिल्ला सदस्य समेत रहेका उनी माइ नगरपालिकाका शिक्षा समिति सदस्य पनि हुन् । ढकाललाई एक छात्रामाथि यौन दुव्र्यवहार गरेको आरोप लागेको हो ।
घटना सार्वजनिक भएपछि स्थानीयवासी आक्रोशित बनेका छन्।् । उनीहरूले दानाबारीस्थित लोदिया प्रहरी चौकी घेराउ गर्दै ढकालमाथि कडा कानुनी कारबाहीको माग गरेका छन्।् ।
ढकाललाई जिल्ला प्रहरी कार्यालय इलाममा ल्याउने तयारी भइरहेको र घटनाबारे थप अनुसन्धान जारी रहेको प्रहरीले जनाएको छ ।
