मोरङ/खेत जोतेर बाटोमा निस्किँदै गरेको प्रदेश १–०२–००३ त २८५६ नम्बरको ट्याक्टरले ठक्कर दिँदा रंगेली १ का ३२ बर्षीय केदार न्यौपानेको मृत्यु भएको हो । को. ३९ प ३९३२ नम्बरको मोटरसाईकललाई ठक्कर दिँदा घाईते भएका मोटरसाईकल चालक न्यौपानेलाई उपचारका लागि रंगेली अस्पताल लगिएको थियो । उनलाई त्यहाँ चिकित्सकहरुले मृत घोषणा गरेका हुन् । मोटरसाइकल पछाडी सवार ४१ बर्षीय राजन भट्टराईको नोबेल अस्पताल बिराटनगरमा उपचार भईरहेको छ ।
ठक्कर दिने ट्याक्टर र चालक रंगेली–८ का ३० बर्षीय जिबन ताजपुरीयालाई इलाका प्रहरी कार्यालय रंगेलीले नियन्त्रणमा लिएको कोशी प्रदेश प्रहरी कार्यालय बिराटनगरले जनाएको छ ।
