इटहरी/ सुनसरीको बराहक्षेत्र नगरपालिका–५ का ३० बर्षिय सोनिया मुसहरलाई आफ्नै श्रीमतीको कुटपिट गरी हत्या गरेको आरोपमा प्रहरीले पक्राउ गरेको छ ।
प्रहरीका अनुसार असार ७ गते राती ९ बजे २४ बर्षिया श्रीमती ढलीसदा मुसहरलाई सोनिया मुसहरले सामान्य वादबिवादको क्रममा कुटपिट गर्दा घाईते भएकी थिइन् । उनको असार ९ गते बिहान घरमा नै मृत्यु भएको खबर पाए लगत्तै प्रहरी चौकी भरौलबाट खटिएको प्रहरी टोलीले मुसहरलाई पक्राउ गरेको हो ।
मुसहरलाई इलाका प्रहरी कार्यालय महेन्द्रनगरमा राखेर थप अनुसन्धान गरिएको कोशी प्रदेश प्रहरी कार्यालय विराटनगरले जनाएको छ ।
