दमक/ झापाको दमकबाट प्रतिबन्धित लागूऔषधसहित चार जना पक्राउ परेका छन् । इलाका प्रहरी कार्यालय दमकको टोलीले शुक्रबार राती लागूऔषध गोप्य सूचनाको आधारमा उनीहरुलाई पक्राउ गरेको हो ।
दमक नगरपालिका–५ मा कोठा भाडामा लिएर बस्दै आएका गौरादह नगरपालिका–४ का २४ बर्षीय अनुभव दर्नाल लगायत कारोबारमा संलग्न दमक–१ का २६ बर्षीय सुरज कुमाल, दमक–६ का २९ बर्षीय सुमन दर्जी र दमक–७ का ३४ बर्षीय बिर बहादुर पौडेललाई पक्राउ गरेको हो । प्रतिबन्धित औषधि Tramadol ८०० क्याप्सुल, ८०० चक्क Aanargan–35 खैरो हिरोईन ५ सय ५० मिलिग्राम र नगद १० हजार ५ सय रुपैया समेत बरामद गरिएको कोशी प्रदेश प्रहरी कार्यालय विराटनगरले जनाएको छ । उनीहरुमाथी थप अनुसन्धान भइरहेको प्रहरीले जनाएको छ ।
