दमक/ झापाको कमल गाउँपालिकाका दुई अलग अलग आपराधिक घटनामा संलग्न दुई जना पक्राउ परेका छन् । वडा नम्बर ७ का एक जना पुरुष एक जना नाबालिक आफ्नी झट्केली छोरीलाई जवरजस्तीकरणी गरेको आरोपमा पक्राउ परेका हुन् ।
३ असारमा पक्राउ गरिएका उनीमाथी प्रहरीले जवरजस्तीकरणी मुद्धामा झापा जिल्ला अदालतबाट म्याद थपको आदेश लिएर थप अनुसन्धान अघि बढाएको छ ।
हाल पाँच दिनको म्याद लिएर अनुसन्धान अघि बढाइएका ति पुरुषले दोश्रो विवाह गरि ल्याइएकी श्रीमतीका पहिलाका पति तर्फकी नाबालिका फरक क्षमता राख्ने छोरीमाथि केही बर्ष अघिदेखि पटक पटक जवरजस्तीकरणी गर्ने गरेको उजुरी परेको बताइएको छ । ति बालिकाले आफूलाई पढाउने महिला शिक्षकलाई आफूमाथि भइरहेको घट्नाबारे जानकारी गराएपछि घट्ना बाहिर आएको बताइएको छ ।
त्यसैगरी कमल गाउँपालिका वडा नम्बर ४ सितापुरी चोक बस्ने ३५ वर्षीय सूर्य बिक्रम लिम्बुमाथी ढुङ्गाले हानेर हत्या गरेको आरोपमा सोही ठाउँका ३७ वर्षीय देवेन्द्र लावतीलाई शुक्रबार बिहान प्रहरीले पक्राउ गरेको छ ।
देवेन्द्रले विवादको क्रममा बिहीबार साँझ ढुङ्गा प्रहार गर्दा गम्भीर घाइते भएका सूर्य बिक्रमको न्युरो अस्पताल विराटनगरमा शुक्रबार बिहान मृत्यु भएको प्रहरीले जनाएको छ ।
