दमक/ झापाको मेचीनगर ६ स्थित काँकरभिट्टा बसपार्कबाट प्रहरीले एक जना भारतीयलाई एयर पेस्तोल र त्यसमा लाग्ने पाँच राउण्ड गोलीसहित पक्राउ गरेको छ ।
शुक्रबार ७.२० बजे इलाका प्रहरी कार्यालय काँकरभिट्टाबाट गोप्य सूचनाका आधारमा खटिएको प्रहरी टोलीले भारत दुर्गानगर सिलिगुडी बस्ने ३५ बर्षिय जय प्रकाश कुमार पाठकलाई पक्राउ गरेको हो । WB 70 G 3232 नम्बरको कार भित्र सिटमुनी लुकाएर राखिएको अवस्थामा दुई थान खुकुरीसहित ति हातहतियार बरामद भएको जिल्ला प्रहरी कार्यालय झापाले जनाएको छ । उनीमाथी थप अनुसन्धान अघि बढाइएको प्रहरीले जनाएको छ ।
