सांकेतिक तस्विर
दमक/ झापाको दमक बजारमा आज दिउँसो अपरिचित दुई युवाले बजार भर्न आएकी इलाम माङसेबुङकी एक जना बृद्धाको साथबाट डेढ तोलाको सुनको सिक्री लुटेर फरार भएका छन् ।
दमक ६ स्थित पुरानो सब्जी बजार नजिकै दिउँसो करिब साढे १२ बजे तिर अपरिचित दुई जनाले माङसेबुङ ४ की अन्दाजी ६५ बर्षिया मनमती राईको गलामा लगाएको सुनकी सिक्री खोल्न लगाई लुटेर भागेका हुन् ।
ति बृद्धालाई लुटेराले शुरुमा घर थर सोधेर सुन जस्तो देखिने फलामको विस्कुट आकारको पहेंलो रंग दलिएको फलाम देखाएर तपाइँ यो राख्नु होस चिया पनि खानुहोस भन्दै झुक्याएर सक्कली सुनको सिक्री लुटेर भागेका बताइएको छ । सुन लुर्टिपछि हार गुहार माग्दै ति बृद्धा आफ्नो पसलमा आइपुगेको दमक ६ स्थित बिएउण्डबी खाजा घरका प्रोप्राइटर माधव ढकालले बताए ।
