दमक/ करेन्ट र चटयाङले कोशी प्रदेशमा दुई जनाको ज्यान लिएको छ । सोमबार ओखलढुंगाको खिजिदेम्वामा करेन्ट लागेर एक जना र तेह्रथुमको आठराईमा चट्याङले लागेर अर्का एक जनाको मृत्यु भएको प्रहरीले जनाएको छ ।
ओखलढुंगाको खिजिदेम्वा–८ स्थतिमा बिद्युत लाईन विस्तारको क्रममा ट्रान्सफर्मरमा चार्ज गर्ने क्रममा सिग्माकोण प्रा.लि. काठमाण्डौका कर्मचारी कैलालीका ३० बर्षीय बिन्दु चौधरीलाई करेन्ट लाग्दा उनको घटना स्थलमा नै मृत्यु भएको थियो ।
सोही दिन अपरान्ह तेह्रथुमको आठराई गाउँपालिका–३ स्थितमा लिम्बु जातिको साँस्कृतिक मन्दिर बनाउने क्रममा हावाहुरी र पानीसंगै परेको चट्याङले लागेर घाईते भएका स्थानीय ४५ बर्षीय सागर थिङ्लापुको उपचारको क्रममा जिल्ला अस्पाताल पाँचथरमा मृत्यु भएको हो ।
