दमक/ झापाको भद्रपुर ४ स्थित झापा चोकमा स्कुटर अनियन्त्रित भएर दुर्घटना हुँदा स्कूटरको पछाडी सवार एक जनाको ज्यान गएको छ ।
जिल्ला प्रहरी कार्यालय झापाका अनुसार आइतबार राती साढे ९ बजे चन्द्रगढीबाट बनियानी तर्फ जादै गरेको प्र१–०१–०१२ प ९९३७ नम्बरको स्कुटर आफैं अनियन्त्रित भएर दुर्घटना हुँदा भद्रपुर २ का ३५ बर्षिय अनिल लिम्बुको ज्यान गएको हो ।
दुर्घटनामा घाईते भएका लिम्बुको उपचारका लागि प्रादेशिक अस्पताल भद्रपुर लगिएकोमा तत्कालै चिकित्सकहरुले मृत घोषणा गरेका जनाइएको छ । स्कुटर चालक दमक नगरपालिका वडा न. २ का २९ बर्षिय रबिन फुँयाल सकुशल छन् । स्कुटर र चालकलाई जिल्ला प्रहरी कार्यालय झापाको नियन्त्रणमा राखिएको छ ।
