दमक/ झापाको बुद्धशान्ति गाउँपालिका–३ की सम्झना जवेगुकी दुई महिनाकी छोरी सुयना जवेगुको स्वास्थ्यमा गम्भिर प्रकृतिको समस्या देखिएको छ । उनलाई मस्तिष्क र फोक्सोमा समस्या देखिएपछि वैशाख ४ गते विर्तामोडस्थित बीएण्डसी अस्पतालमा भर्ना गरिएको छ । परिवारले आर्थिक अभावका कारण उनको उपचारमा कठिनाई रहेको भन्दै सहयोगका लागि सार्वजनिक अपिल गरेका छन् ।
सुयनाकी आमा सम्झना जवेगुका अनुसार अस्पताल प्रशासनले उपचार अघि तुरुन्तै एक लाख रुपैयाँ बुझाउनुपर्ने माग गर्दै, रकम नबुझाएमा डिस्चार्ज गर्न चेतावनी दिएको छ। “छोरी टुलुटुलु हेरेर छटपटाइरहेकी छ, तर उपचार गराउन हामीसँग पैसा छैन,” उनले भनिन्।् ।
जवेगु परिवार अहिले आर्थिक अभावका कारण तनावमा छन् र छोरीको जीवन रक्षाका लागि सहयोगको अपील गरेका छन्। । सहयोग गर्न इच्छुक व्यक्तिहरूले सिधै परिवारसँग सम्पर्क गरेर वा अस्पतालमा पुगेर सहयोग गर्न सक्नेछन्।् । सुयनाको उपचारमा सहयोगका लागि यहाँ रहेको परिवारको खातामा सहयोग गर्न सकिने छ ।
