दमक/ पाँच बर्ष अघि बहुबिबाह मुद्धा लागेका झापा शिवसताक्षी ४ बोलोचोकका एक जना पक्राउ परेका छन् ।
फरार प्रतिवादीको सूचीमा रहेका सो ठाउँका ४४ बर्षिय रेवतदास उप्रेती शनिबार पक्राउ परेका हुन् ।
उनलाई शनिबार दिउँसो करिब साढे ३ बजे इलाका प्रहरी कार्यालय झिलझिलेको टोलीले बोलोचोकबाटै पक्राउ गरेको हो ।
जिल्ला प्रहरी कार्यालय झापाका अनुसार उप्रेती विरुद्ध जिल्ला अदालत झापाबाट बहुबिवाह मुद्धामा २०७६ साल असोज २ गते एक बर्ष दुई महिना कैद र दश हजार रुपैयाँ जरिवाना तोकिएको थियो । उनलाई आइतबार अदालतमा पेश गरिने प्रहरीले जनाएको छ ।
