दमक/ झापाको दमक ८ स्थित लक्ष्मी टोलमा आमाको किरियामा बसेका छोराको मृत्यु भएको छ ।
आमा तिलामाया संग्र्रौलाको निधन भएको पाँचौं दिनमा गत बिहिबार जेठा छोरा ६१ बर्षिय राम प्रसाद संग्रौलाको मृत्यु भएको हो ।
किरियामा बसेका संग्रौलाको ह्दयघातका कारण एक्कासी समस्या आएपछि उपचारका लागि रातीनै दमक अस्पताल लगिएका थियो । सोही राती करिब पौने ९ बजे उनलाई चिकित्सकहरुले मृत घोषणा गरेका भए पनि पारिवारिक कारणले तत्काल सार्वजनिक गरिएको थिएन । मृतक राम संंग्रौलाका भाई लक्ष्मी प्रसाद संग्रौला राप्रपा केन्द्रिय सदस्य हुन् । संग्रौलाले दाजुको अन्त्येष्टी आज शनिबार दिउँसो २ बजे कन्काई मुक्ति घाटमा गरिने जानकारी दिएका छन् ।
