दमक/ झापा र मोरङका दुई ठाउँमा चट्याङले लागेर दुई जनाको मृत्यु भएको छ । गौरादह ५ मा परेको चट्याङले लागेर सो ठाउँमा बसोबास गर्दै आएकी पाचँथरको मिक्लाजुङ गाउँपालिका–३ की ५४ बर्षीया दुधकुमार लावतीको मृत्यु भएको हो ।
भान्सा कोठा छेउमा झरेको चट्याङले लाग्दा उनको घटनास्थलमै मृत्यु भएको हो । त्यसै गरी चट्याङले लाग्दा साईकल कुदाईरहेका इटहरी घर भई हाल मोरङको कानेपोखरी गाउँपालिका–१ होक्लाबारी मावली घरमा आएका १२ बर्षीय बालक आबिस्कार बरालको मृत्यु भएको कोशी प्रदेश प्रहरी कार्यालय विराटनगरले जनाएको छ । चटयाङले लागेर घाईते भएका उनको बिराट टिचिङ अस्पताल विराटनगरमा उपचारको क्रममा मृत्यु भएको हो ।
