दमक/ झापाको दमक ४ स्थित बिद्योदय आधारभूत बिद्यालयसँगै जोडिएको ग्वाली घरबाट शुरु भएको आगलागीका कारण बिद्यालयमा करिब २० लाख बराबरको नोक्सान भएको छ ।
बिद्यालयका शिक्षक दुर्गाप्रसाद चौंलागाइँका अनुसार बिद्यालय व्यवस्थापन समितिका अध्यक्ष समेत रहेका भरत खड्काको ग्वालीमा दिउँसो करिब अढाई बजे भएको आगलागी बिद्यालय भवन सम्म सल्किएको हो । आगलागीबाट बिद्यालयका दुई वटा कक्षा कोठामा रहेका स्मार्ट बोर्डसहित झ्याल ढोका, लगायतका सामान विभिन्न सामानहरु जल्नुका साथै भवन समेत जल्दा अन्दाजी २० लाख बराबरको नोक्सान भएको प्रारम्भिक अनुमान गरिएको शिक्षक चौंलागाइँले जानकारी दिए ।
आज सार्वजनिक बिदा भएकाले बिद्यालय पूर्णरुपमा बन्द थियो । बिद्यालयमा कोही नभएका कारण बिद्यालयतिर आगो पसेको कुरा तत्काल थाह हुन सकेन । घट्नाबारे शिक्षक चौंलागाइँले निष्कर्ष न्यूजसँग भने– आगलागीमा परेको बिद्यालयका कक्षा कोठामा ताल्चा लगाइएका कारण तत्काल भित्र पसेर कुनै सामान निकाल्न सक्ने अवस्था भएन आगो कति बेला देखि फैंलिएर स्कूलतिर पस्यो भन्ने यकिन हुन सकेन । सो आगलागीमा परेर खड्काको ग्वालीमा बाँधिएको एउटा चौपाया समेत जलेर मरेको बताइएको छ ।
