दमक/ नेकपा एमालेको जनवर्गीय संगठन अखिल नेपाल महिला संघ झापा जिल्ला कमिटीले प्रशिक्षण कार्यक्रम सञ्चालन गरेको छ ।
संघको जिल्ला कमिटीको तेस्रो पूर्ण बैठक तथा एक दिने प्रशिक्षण कार्यक्रम शनिबार पर्यटकीयस्थल सालबारी सहिद स्मृति पार्कमा सम्पन्न भएको हो ।
अनेमसंघ झापाकी अध्यक्ष लीला ढुंगेल दाहालको अध्यक्षतामा सञ्चालन भएको बैठक तथा प्रशिक्षण कार्यक्रममा अनेमसंघको बिधान ,नीति तथा कार्यक्रम साथै बर्तमान राजनीतिक अवस्थाबारेमा अनेमसंघ केन्द्रिय उपाध्यक्ष मेनुका काफ्लेले सहजीकरण गरेकी थिइन् ।
त्यस्तै पार्टी र संगठनमा अनुशासन, सक्रियताको सन्दर्भमा केन्द्रिय अनुशासन आयोगकी सदस्य लीला कट्टेल कार्कीले प्रशिक्षण दिएकी बताइएको छ ।
अनेमसंघले सञ्चालन गरेको महिला आन्दोलनको इतिहास र उपलब्धिको बारेमा कार्यक्रममा चर्चा गरिएको थियो ।
सो अवसरमा पार्टीको जरा केन्द्रिय अभियान ,यही चैत ३० गते दमकमा हुने जागरण सभा, महिला शसक्तिकरणका कार्यक्रमहरु लगायतका बिषयमा पनि चर्चा परिचर्चासहित यसबारे महत्वपूर्ण छलफलहरु भएको बताइएको छ ।
