दमक/ मोरङको रंगेली नगरपालिकामा पर्ने दर्बेसा–धनपाल्थान–गडीघट्टा–बबियाविर्ता–फुटानी चौंक सडकको कालोपत्रे योजना तिब्र गतिमा अघि बढेको छ ।
सो सडक कालोपत्रे योजना आर्थिक बर्ष २०७५÷०७६ मा संघीय सरकारले बहुबर्षे योजनामा समावेश गरेको थियो । लामो समयदेखि अघि बढन नसकेको सो सडकको पछिल्लो तीन महिनामा भने ६ किलोमिटर खण्ड कालोपत्रे भएको हो । गएको असार सम्म ३ कि मि र श्रवण यता थप ३ कि मि कालोपत्रे भएको हो ।
भौतिक पुर्वाधार विकास कार्यालय, मोरङ र रायमाझी – भिमेस्वर जे भीविच भएको सम्झौता अनुसार सो सडकको कूल साढे १४ किलोमिटर खण्ड कालोपत्रे हुनेछ । सो मध्ये गत बैशाखदेखि शुरु भएको कालोपत्रे तीन महिना बित्दा ६ किलोमिटर भन्दा धेरै भइसकेको भन्दै स्थानीयहरुले खुशी व्यक्त गरेका छन ।
लामो समयदेखि अलपत्र परेको यो सडकको काम अहिले तिब्ररुपमा अघि बढेपछि स्थानीयहरुमा उत्साह बढेको छ । सो सडक कालोपत्रे योजना पूरा गर्न ४१ करोड भन्दा बढी लागत लाग्ने अनुमान छ ।
